Khrawsing Christian College, Mawphlang

Campus Location: East Khasi Hills

Located in Ka Khrawsing Christian College ka dei ka Silver Jubilee Memorial Project jong ka Presbytery Mawphlang, Presbyterian Church of India. Ka Presbytery Mawphlang ha ka jingpynkhreh ban rakhe ia ka jingdap 25 snem ka jingiaid lynti jong ka, ka la buh ia ki thong aims & objectives ba kan pynlongkam ha ka jingrakhe ia kane ka jubili bad kawei na kita ki thong ka long Ban kner ia ka kti ka jingshakri ha ka ban kyntiew ia ka imlang sahlang, halor ka nongrim jong ka jingsngewthuh ba ka jubili kam dei tang ban rakhe hynrei ban thaw ruh ia ki lad ba thymmai ha ka jingshakri jong ka. Jubilee does not mean only celebration but liberation,kumta ban lah ban kner ia ka kti ka jingshakri ha ka ban kyntiew ia ka imlang sahlang, ka presbytery kaba la long ha ka Balang Mawkneng ha ka snem 2006 ka la iakut ban plie noh da ka College kumba la ai jingmut da ka Planning Committee lyngba ka Silver Jubilee Celebration Committee, halor ka nongrim ban kyntiew ia ka jingnang jingstad jong ki briew kane ka thain namar ba ym pat don kawei ruh ka College., Ka jingsdang ia ka College: Hadien ba ka Presbytery ka la pdiang ia kane ka jingai jingmut, la pynlong ia ka jingialang paitbah hangne ha office jong ka Presbytery ha ka 21st April, 2007 ban long kum ka jingpyntip paitbah ia kane ka jingthmu jong ka Presbytery ban plie noh ia ka College ha ka B A passed Course. La khot lang ha kane ka jingialang ia ki paidbah kane ka thain kynthup ki nongialam shnong naduh u Lyngdoh bad ki myntri Hima Mawphlang, ki Rangbah shnong baroh ryngkat ki pastor, ki Tymmenbasan bad ki parabangeit jong ka Presbytery. La iadon lang ruh ha kane ka sngi u MLA kane ka thain ha kato ka por u Shri J.A. Lyngdoh., La iakut ba ia mynta yn pynlong shuwa hangne ha office building jong ka presbytery, kata ha ka Hall kaba don ha ground floor namar ba yn sdang shuwa tang ia ka B.A 1st year bad ban sa nang thaw lad ban ioh ban tei ia ki karma ha ki mala ba shajrong na ka bynta kiwei pat ki class., La plie ia ka College ha ka 7th July 2008 ha kaba u Chief Minister ha kato ka por u Dr Donkupar Roy, u la wan ban plie ia ka. La ia don lang ruh ka Parliamentary Secretary In-charge Mass & Elementary Education, ka Kong Ampareen Lyngdoh bad Shri R.A.Lyngdoh, MLA Sohiong Constituency bad u MLA kane ka thain, ka Nongspung Constituency u Shri J.A.Lyngdoh. Nalor kine la ia don lang ruh ki Officer jong ka Education Department, Govt. of Meghalaya, ki Officer jong ka NEHU kynthup ia ka Kong C. Diengdoh, Director College Development Council jong ka NEHU nalor u Lyngdoh, ki Myntri, ki Rangbah shnong bad ki kmie ki kpa jong ki student. Na ka liang jong ka Presbytery la ia don lang ha kane ka sngi naduh ki Pastor, ki Tymmenbasan, ki dkhot bad Nongkitkam jong ka Jingiaseng Kynthei bad Jingiaseng Samla Presbytery nalor ki para bangeit jong kine ki Balang ba marjan., Ka kyrteng jong ka College: Dang nyngkong eh, ka Silver Jubilee Celebration Committee ka la dep iakut ban recommend sha ka Presbytery ba ka kyrteng jong ka College kan long “Mawphlang Presbytery College” Ka Governing Body hadien ba ka la pyrkhat bniah na ki liang baroh ka la iakut ban tyrwa sha ka Silver Jubilee Celebration Committee ba kan review biang noh ia ka kyrteng jong ka College bad ha kajuh ka por ka la ai jingmut ba ai kyrteng ia ka College da ka “Khrawsing Christian College” kaba dei ka kyrteng jong u Revd Khrawsing War Tynghah, halor ka nongrim ba utei u Pastor u dei u Pastor khasi banyngkong eh uba trei hapoh ki pud jong ka Mawphlang Presbytery ba mynta uba shong basah, laiap bad la tep ruh hapoh ka Presbytery jong ngi, ha ka Balang Mawngap. Ka Presbytery ruh ka la pdiang ia kane ka jingai jingmut ban ai kyrteng ia kane ka Colege da ka Khrawsing Christian College.. Use Google Maps for turn-by-turn driving directions to the campus.